Sunday, June 24, 2012

තෙවන පියවර - කොයි පාරද කිට්ටු පාර


කැනඩාවට එන්නට කැමැත්ත , උනන්දුව තියෙන කෙනෙක් විදියට දැන් අපි බස හදා ගන්නට සූදානම් නේ , කෙසේ වෙතත් මෙන්න මේ ලින්ක් ටික හුඟක් වැදගත් වේවි ඔබේ ඉංග්‍රිසි දැනුම වැඩි කරගන්නට , විශේෂයෙන්ම I.E.L.T.S වලට සුදානම් වන්නට , වෙනත් කරුණූ ටිකක් ගැන ලියන්න හිටියත් , පහුගිය ලිපියෙන් පස්සේ ලැබුනු ඇමතුම් , ඊ ලිපි සියල්ලම ගැන හිතා බැළුවම මට හිතුනේ , විසා ක්‍රියාවලිය Visa processing ගැන කතා කරනවාට වඩා වැදගත්ම දේ මේ කඩුල්ල පනින හැටි (කොටු පනින හැටි නෙවි ) කතා කරන එකයි කියල , මොකද අපේ රටේ ඉන්න ප්‍රමාණවත් සුදුසුකම් ඇති අයත් මේ පැත්තට නොඑන්නට ලොකුම හේතු මේ I.E.L.T.S. කඩ ඉම බවයි මට හිතෙන්නේ , මොකද සල්ලි නැත්නම් ඉතින් ගේදොර විකුණල හරි ණයක් අරගෙන හරි වැඩේට බහින්න පුළුවන් වුනත් . ඒත් ඉතිං මේක ගොඩ දාගන්නම එපායැ .



ඒ නිසා මේ විභාගය සහ එහි පල නෙලා ගන්න ඕන කරන පොඩි උපදෙස් ටිකක් දෙන්නයි මුලින්ම හිතුවේ . මුලින්ම  කරන්න ඕන දේ තමයි ඔබ ලඟ දැනට තියෙන ඉංග්‍රීසි දැනුම ටිකක් අළුත් කරගන්න එක . ඒකට ඉතිං ලොකු ලොකු දේවල් ඕන නැහැ , ඔය පොඩි ග්‍රැමර් පොතක් මුල ඉඳළම ටිකක් බලාගෙන කියවගෙව , පොඩි පොඩි exercises ටිකක් කරගෙන යන්න.

මෙන්න හොඳ පොතක් ඒ වැඩේට ,

http://uploading.com/files/29f2b195/EssentialGrammar.part1.rar/ http://uploading.com/files/5maa11d7/EssentialGrammar.part2.rar/


මේ ලිංක් දෙකෙන් ගියාම මේ පොත PDF එකක් විදියට ගන්න පුළුවන් . ඊට පස්සේ මුල ඉඳළම තියෙන සාරාංශ සටහන් ටික බලල , අභ්‍යාස ටිකත් කරන්න , එතකොට දැනෙයි ටික ටික තමන්ගේ ඉංග්‍රිසි දැනුම ටික ටික වැඩෙන හැටි.


මේ වගේ තවත් පොත් ඇති , ඒත් මම මේ කියන්නේ මගේ අත්දැකීම් නේ , ඒ නිසා මීට වඩා හොඳපොත් ගැන දන්නවා නම් සමාවෙලා ඒ ගැන කොමෙන්ට් එකක් විදියට ලිව්වොත් , ඒබ ලබා ගන්න පුළුවන් විදියත් එක්කම , මේ ලිපි කියවන අයට හුඟක් වැදගත් වේවි .

මේ එක්කම අන්තර්ජාලය ඔස්සේ නොමිලේ ලබා ගන්නට පුළුවන් , ඉංග්‍රිසි පාඨමාලා ගණනාවක් තිබෙනවා , එයිනුත් වැඩ ගන්නට උත්සාහ කරන්න ,උදාහරණයක් විදියට මෙන්න මේ ලිංක් එකට ගිහින් නොමිලේ ලියාපදිංචි වෙලා බලන්න.http://www.englishlink.com/en-ca/

හොඳයි දැන් ඉතින් පුළුවන් නම් , ගමේ ඉන්න හොඳ ඉංග්‍රිසි ගුරුතුමෙක් ගාවට ගිහින් දැනුමේ තියෙන පොඩි අඩුපාඩකම් ටික , හදාගන්න බලන්න , මේ අතරේ පුළුවන් නම් ඉංග්‍රිසියෙන් කතා කරන්නට හොඳ මිතුරෙක් සොයා ගන්න , ඉංග්‍රිසි ගුරුතුමා එක්ක හරි කමක් නැහැ , මුලින්ම කෙලින් බලාගෙන කතා කරන්න බැරි නම් , ෆෝන් එකෙන් ටිකක් කතා කරන්නකෝ. පොඩි කෑළි දාල වැඩේ පටන් අරගෙන ටිකක් දියුණූ කරගන්න , ඔව් ඉතින් එකපාරටම ඔක්කොම හරියන්නේ නැහැ, වරදිනවා , චවන එන්නේ නැහැ , ඒත් ටික දවසක් ගියාම , උත්සාහ ගත්තොත් බැරි නැහැ .

මේ අතරෙම ඉංග්‍රිසි පොත් ටිකක් කියවන්න ගන්න , ඔන්න ඉතින් මහා සම්භාව්‍ය පොත් නෙවි , ඔය පුංචි කතා පොතක් , සුරංගනා කතා පොතක් වුනත් වැඩිය හොඳයි , එතන ඉඳින් ඊළඟට දිනපතා පත්තරයක් අරගෙන කියවන්න පටන් ගන්න. ඔය ඉරිදට තියෙන ඉංග්‍රිසි පත්තරයක් ගත්තම මුළු සතියටම ඇති . කියවන ගමන් , අමාරු චවන ටික ඒකෙම ලකුණු කරගෙන වැඩේ කරගෙන යන්න . මුල් දවස් දෙක තුන නං එපා වෙන වැඩක් කියල හිතේවි , හැබැයි දවස් කීපයක් යත්දි නොකර බැරි වැඩක් ගානටම මේ කියවිල්ල පුරුදු වේවි .


දැන් හොද වචන ප්‍රමාණයක් ඔබේ මතකේ තියෙන නිසා ලියන්න පටන් ගන්න , පොතකුයි පැන්සලකුයි අරගෙන පැත්තකට ගිහින් මොකක් හරි සරල මාතෘකාවක් අරගෙන දන්න චවන ටික , ග්‍රැමර් ටික කලත්තල පොඩි රචනයක් ලියන්න , එතැනදි අර පත්තරේ කියවත්දි ගත්ත වචනත් දැම්මම හිතට දැනෙන සතුට ඉහළයි. ඔබේ ගුරුතුමාට , නැත්නම් ඉංග්‍රිසි දැනුම තියෙන හොඳ මිත්‍රයාට කියල අඩු පාඩු ටික හදාගන්න .


මෙ දවස් ටිකේ ගෙදරදි රේඩියෝ එක අහත්දි ටීවී බලත්දි ඉංග්‍රීසි චැනලයම යොදා ගන්න පුළුවන් නම් වටිනවා , සමහර වචන කියැවෙන හැටි , කැඩෙන හැටි හඳුගන්න ඒක හොඳ උපක්‍රමයක් . වැඩිය හොඳයි පුළුවන් නම් BBC හෝ ABC වගේ විදේශීය චැනලයන් නරඹන්න සහ අහන්න , රේඩියෝවේ නම් SW (FM නොවෙයි) පැත්තෙ ටිකක් එහෙට මෙහෙට පරිස්සමින් සුසුර tune කරත්දි මේ චැනල් සොයා ගන්න පුළුවන් .
ඔබ අනතර්ජාලෙත් එක්ක හරඹ කරන කෙනෙක් නිසා මෙන්න මේ ලින්ක් වලින් ගිහින් හොඳ වැඩසටහන් අසන්නට , නරඹන්නට අවස්ථාව ලබා ගන්න පුළුවන් . http://www.bbc.co.uk/radio/  සහ http://www.abc.net.au/radio/ තවත් තිබෙනවා ටිකක් හොයන්න බලන්න.

විශේෂයෙන්ම කියන්න ඕන , මේ හුඟක් වැඩසටහන් MP3 විදියට බාගන්නට පුළුවන් , පුළුවන් කමක් තියේ නම් එවන් වැඩසටහන් කිහිපයක් බාගත කරගෙන ඔබේ ෆෝන් එකට දාගන්න , ඔය සිංදු ටික අයින් කරල ඔය බාගත් කරගත් MP3 ටික අහන්න , විශේෂයෙන්ම ගෙදර ඉඳින් ක්ලාස් යන්න නගරෙට යන්න තියෙන වෙලාවට බස් එකේ යත්දි වුනත් ඕක කණේ ගහගෙන ගියානම් මොනව හරි ඔළුවට දාගන්න තිබුණා.

දැන් ඉතින් හිතේ මවාගත්ත මාතෘකාවක් දිගේ කතා කරන්න , තනියම කාමරේ ඉඳිත්දි , නැත්නම් නාන කාමරේ ඉඳිත්දි වුනත් මේ වැඩේ කරන්න පුළුවන් නැත්නම් කණ්ණාඩිය ඉස්සරහට ගිහින් ඔයා එක්කම ලොකු කතාවකට යන්න . හිතේ මවාගෙන “තනියම හරි“ කතා කරන්න , එතකොට තමයි තේරෙන්නේ වචන “ගලාගෙන එන්නට පටන් ගන්න හැටි “ ඒ දක්ෂතාවය හදාගන්නම ඕන.

දැන් පේනවනේ මේ වැඩෙන් ගොඩ යන්න නම් , “වැඩේට බහින්නම ඕන“ ...

දැන් මේ ඉංග්‍රිසි උණ හදාගත්තට පස්සේ ඊළඟට ඕනේ I.E.L.T.S. preparation course එකක් හොයා ගන්න , ඒකට නගරෙ තියෙන ආයතන ගනනාවෙන් ඔබේ වියදමට , කාළෙට , දුරට ගැලපෙන තැනක් සොයා ගන්න වේවි , සති අන්ත හයක් විතර ක්ලාස් එකක් හොඳටම ඇති , මොකද ඒවයේ කරන්නේ විභාගෙට අදාල කරුණූ , උපක්‍රම විතරයි.කොහොම වුනත් ක්ලාස් එක් විතරක් මදි , ඒකට අත්නර්ජාලයෙන් ඕන කරන හැම දෙයක්ම වගේ හොයා ගන්න පුළුවන් , IELTS Cambridge පොත් බොහොමයක් PDF විදියට බාගත කරගන්නට අද පුළුවන් , මේ එකක් විතරයි .http://depositfiles.com/files/mex7ertzo . මීට අමතරව උපදෙස් නොමිලේම දෙන වෙබ් අඩවිත් තිබෙනවා . ඒ විතරක් නෙවි Skype වැනි උපක්‍රම මඟින් දන්න ඉංගිරියෙන් කතා කරමින් , අඩුම තරමේ හිතේ බය නැති කරගන්න හරි හොඳ Skype කණ්ඩායම් ඉන්නවා , ටිකක් විමසිල්ලෙන් හොයල බලන්න , ඊට අමතරව Youtube පැත්තට ගියොත් Speaking test කෙරෙන , ලකුණ දෙන විදිය හොඳට අඳුනගන්නට පුළුවන් වීඩියෝ ගණනාවක් තිබෙනවා .



දැන් ඉතින් තරහ ගියා දන්නෙත් නැහැ , “කැනඩාවට එන්නට මඟ “ කියාගෙන වෙන මොනවදෝ කියනව කියල , මෙහෙමයි , අනික් කතා ඔක්කොම කියන්න මේ කතාව ඉවර කරගෙන ඉන්න එපායැ. ඒ නිසා වැඩිය තරහ ගන්නේ නැතිව දැන්ම ගිහින් “ඉංග්‍රිසි උණ “ හදාගන්න පටන් ගන්න . මේ ලෙඩේ නරකම නැහැ . හැබැයි ඉතින් සිංහල අමතක කරගන්න නම් එපා ...

ඊළඟට ඔබ හොඳ මට්ටමක ඉන්නවා නම් ඉක්මණට ගිහින් විභාගය සදහා දිනයක් වෙන්කරවා ගන්න , මොකද ඒ වැඩෙත් ටිකක් අමාරුයි , බය වෙන්න එපා දැන් IELTS ප්‍රතිපල අවුරුදු දෙකක් දක්වා පිළිගන්නවා , ඒ අතරේ පැනගන්න බැරි වෙන එකක් නැහැ මේ තුන තිබේ නම් , 

සැළසුමක් Plan , කැපවීමක් Dedication  සහ අවශ්‍ය සම්පත් Resources 

කෙටියෙන් කිව්වොත් , මේ රටට එන්නට පුළුවන් ක්‍රම ගැන දැනුමක් ඇතිව ඊට ගැලපෙන අධ්‍යාපන , විභාගව වගේ දේවල් සම්පුර්ණ කර ගන්න එක . මේක හොඳ සැළසුමක් ඇතිව කරන්නට ඕන , හැබැයි මේ රැකියා ගැන කීවොත් නම් කැනඩාවට වඩාත් අවශ්‍ය රැකියා ලයිස්තුව හැම වසරකම ජුලි මාසේ පළමුවනදාට තමයි එළිට දාන්නේ  , ඒකට තව පැයි කීයද කියල බලන්න ඉහළට ගිහින්.  ඒ වගේම ඔබ අදාල සුදුසුකම් ලත් රැකියා ලැයිස්තුවට අදාල නම් , අනෙක් විභාග විගේ දේවල් සම්පුර්ණ කරගන්න එකත් වටිනවා .

ඔව් තව ක්‍රම තියෙනවා , අධ්‍යාපනය ලබන්නට , එහෙම නැත්නම් කැනඩාවෙන් රැකියා අවස්ථාවක් ලබා ගෙන ඒ මත මේ රටට එන්නට , පවුලේ කෙනෙක් මගින් අනුග්‍රාහකත්වය ලබා ගන්නට ..ඔය වගේ ක්‍රම ගණනාවක් තිබෙනවා මෙහෙට එන්නට , ඒ නිසා සැලසුම් සහගතව වැඩේට බහින්නම ඕන.

Dedication , මේ ගැන කියත්දි මේ වැඩේ පටන් ගත් දා ඉඳළ කැනඩාවට පය තබන තුරු කරන්නට ඕන කරන කාරනා , වෙහෙසවීම් , සියල්ල ඇතුලත් (ඔය ඔක්කොම කිව්වොත් වැඩේ අතැරල දාන්න හිතෙන්නත් පුළුවන් නිසා ඒව ටික ටික සැර බාල කරල ඉස්සරහට කියන්නම් ,

Resources කීවේ නම් , යම් මුදල් ප්‍රමාණයක් , අවශ්‍ය ලිපිලේඛණ වගේ දේවල් . 

මේ ගැන විස්තරාත්මකව ඉදිරි දිනකදි කතා කරමු.
  
එහෙම නම් අදට සමු ගන්නවා , ඊළඟ ලිපියෙදි අනිවාර්යයෙන්ම , සංක්‍රමණික තොරතුරු ලබා දෙන්නට උත්සාහ ගන්නවා , 

ආ කියන්න අමතක වුනා , ඔය වම් පැත්තට වෙන්න Gadgets ටිකක් දාල ඇති , එයිනුත් පලක් ප්‍රයෝජනයක් ගත්තට වරදක් නැහැ .


7 comments:

  1. හොද ලිපියක්.මම දැන් කලෙක ඉදන් කැනඩාවට එන්න හදනවා.මේක හොද උපදෙස් මාලාවක්.

    ReplyDelete
  2. හුඟාක් වටින ලිපියක් ඇත්තටම. කැනඩා යන්න ඉන්න කට්ටියට විතරක් නෙවි තමන්ගේ ඉ0ග්‍රීසි දැනුම වර්ධනය කර ගන්න හිතන කාට වුනත් වටිනව මේ ලිපිය...

    ReplyDelete
  3. -Kasun,
    ස්තුතියි Kasun අපි බලමු ඒ ගැන දන්න යමක් බෙදා දෙන්නට ..ස්තුතියි ඔබට .

    -තොටියා.
    ඔව් අපේ රටේ අයට තිබෙන හොඳ අවස්ථා නැති කරගන්නේ මේ ඉංග්‍රිසි භාෂා දැනුම මද කම නිසා , බොහොම ස්තුතියි ඔබටත් .

    ReplyDelete
  4. ටිකක් අමාරුයි වගේ
    උත්සහා කරොත් බැරි දේකුත් නැහැ ඒත් මට නම් මේක අමාරුයි වගේ :)

    ReplyDelete
  5. මහත්මයාණනි, පළමුවෙන්ම ඔබගේ වටිනා ලිපියට ස්තුතියි ! මම ජීව විද්‍යා අංශයෙන් MSc ඇති අයෙක්. එම අංශයෙන් PhD කරමින් රැකියාවක් කිරීමේ අවස්ථා කැනඩාවේ පවතීද? එවන් විටක වඩා හොඳ student visa ද working visa ද?

    ReplyDelete
  6. ingriisith kohoma hari hadaagaththa kiyamu,
    mokak hari shethrayaka sudusu kamuth hadaagaththa kiyamu,
    ath salli pennana eka nova avula :-(

    ReplyDelete
  7. Hi bro, Man IELTS kala last month. Reading 9, Listeing/Speaking 7.5, Writng 6.5.
    Deneta software engineer kenek widiyata weda karanawa(3 yrs work experence). Help ekak dendako bro, mata puluanda canada yanna kiyala.

    ReplyDelete